आवाहन...

सप्रेम नमस्कार
'किर्लोस आंबवणेवाडी सेवा मंडळ' ही आपली संस्था गेली कित्येक वर्षे कोकणातील आपले गाव आणि परिसराच्या उत्कर्षासाठी सतत कार्यरत आहे, ते आपणास माहितच आहे. आपल्या परिसराच्या आणि आपल्या माणसांच्या विकासासाठी आणखी एक नियोजनबध्द पाऊल संस्था उचलू इच्छिते. त्यासाठी आपले सक्रिय सहकार्य मिळावे यासाठी हे आवाहन करीत आहोत.
आपणास माहिती असेल आपल्या मंडळाचे रौप्य महोत्सवी वर्ष सुरु आहे. या रौप्य महोत्सवी वर्षाच्या निमित्ताने नोव्हेंबरमध्ये एक छापिल स्मरणिका प्रकाशित करण्याचा मंडळाचा मानस आहे. स्मरणिका म्हटली की त्यासाठी जाहिराती हव्यात हे ओघानं आलच. आपला हातभार त्यासाठी लागावा अशी विनंती आहे.
रौप्य महोत्सवी वर्षाच्या स्मरणिकेतील ठळक वैशिष्टयs
• पावणादेवी व रामेश्वर मंदिराचा इतिहास व छायाचित्रे
• किर्लोस आंबवणेवाडी सेवा मंडळाची स्थापना व इतिहास
• मंडळाचे आजीव व माजी सदस्याचे परिचय व छायाचित्रे
• किर्लोस आंबवणेवाडी गावातील जेष्ठ व्यक्तीच्या मुलाखती व छायाचित्रे
• किर्लोस आंबवणेवाडीची वाटचाल टप्पा टप्याने...
• किर्लोस आंबवणेवाडीतील पाणीयोजना, शाळेची इमारत, स्वस्त दरात धान्य वाटप, साकाव बांधणी, अशा कामाची माहिती व छायाचित्रे
• कोकणाचे पालक व महसूलमंत्री मा.नारायण राणे यांचे किर्लोस - आंबवणेवाडी गावाबदलचे मत..
• किर्लोस आंबवणेवाडी मागील सरपंच तलाठी यांची मुलाखत
• किर्लोस आंबवणेवाडीचे आमदार डॉ. ऍड अजित पांडुरंग गोगटे यांची मुलाखत..
• महाराष्ट्र शासनातर्फे 'तंटामुक्त अभियान' गावातील प्रमुख अर्जुन (बाळा) लाड यांची मुलाखत
• किर्लोस आंबवणेवाडी सेवा मंडळाने घेतलेले सांस्कृतिक कार्यक्रम, दसरा समेलन, तीर्थयात्रा यांची छायाचित्रे व थोडक्यात माहिती..
• किर्लोस आंबवणेवाडी सेवा मंडळाचे अध्यक्ष व सेक्रेटरी यांची मनोगत..
• किर्लोस आंबवणेवाडी सेवा मंडळाची कार्यकारी मंडळ सन 2007-2008
• कणकवलीतील महत्त्वाचे नंबर व पत्ते
वरील पैकी कोणत्याही प्रकारचे साहित्य आपणाकडे असल्यास किंवा मुलाखत व माहिती लिहिण्यास तयार असाल तर कृपया 15 ऑंगस्ट 2008 पर्यंत मंडळाच्या पदाधिकाऱ्यांकडे आवर्जून पाठवा व काही सुचना असल्यास तेही कळवावे. त्यामुळे स्मरणिकेचा दर्जा अधिक उत्तम होण्यास मदत होईल.
थोडक्यात, ह्या स्मरणिकेसाठी उपयुक्त साहित्य आणि जाहिरात असे दोन्ही प्रकारचे योगदान मंडळाला म्हणजेच पर्यायाने आपल्या किर्लोस आंबवणेवाडीच्या लाल मातीसाठी हवे आहे. आपल्या प्रिय ग्रामभूमीच्या विकासासाठीचा हा यज्ञ सर्वांचा आहे. आपली ग्रामदेवता पावणादेवीच्या कृपेने आणि आपल्या सहकार्याने आपले हे सारे मनसुबे यशस्वी होतील असा विश्वास वाटतो. सर्वांचा हातभार त्यास लागावा हीच आई पावणादेवी आणि रामेश्वराच्या चरणी प्रार्थना.
धन्यवाद.
आपले,
रामचंद्र लाड ( अध्यक्ष : किर्लोस आंबवणेवाडी सेवा मंडळ )
रामचंद्र लाड - 9820359153 - विश्वनाथ - 9987642793 विजय लाड - 9820227661